Mental-maths master an tih mai Abhay Kumar chuan minute khat chhunga kum hrang hranga ni te kar khata eng ni ber nge tih chhut chhuak rang thei ber record a siam. He Indian memory coach hi kum AD 1 atanga AD 10000 inkara an duh ber ni chu kar khata eng ni ber nge tih an chhut tir a, minute 1 chhungin ni 19 chu kar khata eng ber nge an nih tih a chhut dik vek hman a, Guinness World Record a siam. A hmaa hetiang record siamtu pawh amah tho hi niin, nikum khan ni 16 a chhut chhuak hman a, kuminah 19-in nikum record a khum ta a ni.
Abhay-a thil chhut hi a namai lo khawp mai, a ni chhut chhuah zingah chuan February ni 14, 4621 (Pathianni), July ni 2, 6382 (Zirtawpni), May ni 9, 7693 (Inrinni) leh December ni 19, 7675 (Ningani) tih te pawh a tel! AD 1 atanga AD 10000 inkara an duh apiang ni chu kar khata eng ni ber nge tih an zawt tawp zel mai a ni.
Abhay chuan hetiang chhut chhuah theih dan hi ama duan chhuah niin a sawi a, memory leh rilru hmanga thil chhut chak erawh a ngai hle niin a sawi a, record siam tur hian a kum a kum a inbuatsaih niin a sawi bawk.
Abhay chuan record siam tura a beihna chhan pakhat chu a zirlaite hnenah thil theih loh hi a awm tak tak lo tih entir a duh vang niin a sawi bawk.
Kum hrang hranga ni awm dan chhut dikin record siam
