Cinema en hrat ve tak chu a ni, kum khat (thla 12) chhungin cinema vawi 777 a en hman a, Guinness World Record-in kum khat chhunga cinema en ngun berah an puang.
Zach Swope chuan July 2022 leh July 2023 inkar khan cinema vawi 777 a en hman a, a hmaa hetiang record siamtu France mi Vincent Krohn record, vawi 715 chu a rawn khum chiang hle a ni.
Swope hian a record siam hi autism chungchanga mipuii awareness an neih that lehzual theih nana a tih niin a sawi. Record siam tuma a beihnaah hian film ngai pawh a en nawn fo a, chung zingah chuanThe Super Mario Bros. Movie pawh bvawi 35 a en hman a, Thor: Love and Thunder pawh vawi 33 s en hman.
Record siam tur hian Guinness hian an duhkrih ve khawp mai a, cinema hall-ah ngei en tur a ni a, film chu a thenlai chauh en theih a ni lo a, en chhuah vek zel a ngai a, thil tidang tipaha en a thiang lobawk.
Swope hi hna nghet nei lai a ni tho a, a hna thulh phah em em chuang loin, a hun awl neihah film a tam thei ang ber en hman a tum thin. Record siam tuma bul tan nan Minions: The Rise of Gru a en hmasa ber a, a khar nan Indiana Jones and the Dial of Desitny a hmang ve thung.
Kum khata cinema en hnem ber record siam
