Kumin January atanga March chhung khan Mamit Police Station-ah case 25 ziahluh a ni a, heng zinga pahnih hi hurherhna lama naupang laka chetna – POCSO case pahnih a tel.
District Legal Service Authority secretary, chief judicial magistrate H Lalduhsanga kaihhruaiin Ningani khan Mamit District Court-ah District Para Legal Volunteers (PLV) tana inzirtirna buatsaih a ni a. CJM hian khua leh tuite tana dan hriat pawimawhna, accident, khuarel chhiatna, mi kut tuara ramtuileiloa awm leh kumtlinglo khuaikhem tawkten court kaltlanga chhawmdawlna an dawn theihte a sawi bakah harsatna tawkte anmahni ina kalchilh a, danin tanpuina a pekte hmanga pui turin PLV-te a sawm.
Training-ah hian ‘The Sexual Harassment of Women at Workplace 2013’ pawh zirho a ni a. Chawhnu lamah CJM kaihhruaiin District Jail, Mamit Police Station lock up, Excise custody te chu a hmunah kalchilhin, tangten harsatna an neih leh neih loh enfiah a ni a. Tui thianglim in tur, inthiarna tha, medical check up, ei leh in tur supply an hmuh leh hmuh loh enzui niin, tangte dikna chanvo inrahbeh sakna a awm lo niin an hria a, enkawl an nih danah lawmawm an tih thu PLV-te hian an sawi.
Mamit Police Station-ah kumin January leh March inkarah case 25 ziahluh tawh niin heng zingah hian POCSO case pahnih a awm. Excise & Narcotics Department chuan kumin January leh March inkar chhungin case 97 (MLP/ ND&PS) an ziaklut tawh a. Tun dinhmunah District Jail ah tang 74 awmin heng zinga 68 chu mipa an ni a, hmeichhia 6 an ni.
Kumin chhungin Mamit P/S ah case 25 a awm
