Thawhtanni zanah Al-Nassr chuan 5-2-a Al-Shabab hnehin Saudi King Cup semi-final an lut a, he match-a goal khat khungtu Cristiano Ronaldo chuan a team a chakpui rualin kum 2023 chhung hian goal 50 a thun tling chiah.
Al-Nassr forward Ronaldo hian league season kal laiah goal 16 khawl tling tawhin Saudi Pro League top scorer a ni mek a; season liamta nen belhkhawmin kumin chhung hian goal thun lamah half century a siam ta hial a; hetih kawngah hian season kal laiah inelna hrang hrang belhkhawm atangin goal 26 a tilut tling a, chu’ng zinga goal 16 chu Saudi Pro League game 15 a khelh atanga a thun a ni.
Real Madrid leh Manchester United forward hlui hian Saudi King Cup match-ah hian second half-ah Al-Nassr goal hnihna thawhin, he game khelh hma ni thum kalta maiah khan 4-1-a Al-Riyadh an sawp tumin a career-a a professional match 1,200-na a khel a; tun kartir inkhelah goal khat khungin assist vawikhat a nei tel a, kum 38 nih tawh hnuah kum a la tawp fel lo chungin goal 50 a puitlin leh tawh a ni.
Kumina Ronaldo goal 50-na
