India chuan kum 2024 kuminah above-normal cumulative rainfall a hmu dawna ngaih niin kum 2024 monsoon season-ah La Nina condition chu August-September thla velah a intan dawna ngaih a ni tiin India Meteorological Department (IMD) te chuan an sawi.
Mahse normal cumulative rainfall chuan ram pumah ruahtui tla chu tha takin a semsawm ang tihna a ni lo va, climate change awm mek chuan ruahtui keng system te chu a khawih danglam nasa a ni, an ti bawk.
Climate scientists te chuan ruahsur ni chu a tlem tial tial tia sawiin chutih laiin hun rei lo te chhunga ruah tam tak sur bur bur a tam tial tial thung a, chu chuan khawkheng leh tuilian a thlen tam tial tial an ti bawk.
Kum 1951-2023 data behchhan chuan India chuan above-normal rainfall chu monsoon season ah El Nino event tawpa La Nina intanah tum kua a tawng tawh a ni, tiin IMD chief Mrutyunjay Mohapatra chuan a sawi.
Positive Indian Ocean Dipole conditions pawh kumin monsoon season ah beisei a ni bawk a. Chumai bakah Northern Hemisphere vurin a bawh chu a tlahniam bawk a. Chungte chu Indian southwest monsoon atana dinhmun tha thlentu a ni thung.
Tunah tak chuan El Nino moderate a la awm mek a. Kumin furpui intan rualin a neutral hman rin a ni thung a. Chumi hnuah chuan model zulzuiin August-September ah La Nina a intan beisei a ni tiin Mohapatra chuan a sawi.
Kum 2023 khan India chuan “below-average” cumulative rainfall a hmu a, nikum kha El Nino kum a la ni bawk. Kum 2023 hma kha chuan India chuan monsoon season kum li chhung chu “normal” leh “above-normal” rainfall a dawng a ni.
El Nino condition tih mai central Pacific Ocean a surface water lum chuan monsoon thli tinepin chu chuan India ramah ruahtui a titla tlem ta thin a ni.
Climate phenomena lian tham pathum chu monsoon season rainfall thlirlawk nana behchhana hman thin a ni a. Pakhatna chu El Nino niin pahnihna chu Indian Ocean Diphole (IOD) equatorial Indian Ocean khawthlang leh khawchhak lama lumna in ang lo hrin leh pathumna northern Himalayas leh Eurasian landmass a snow cover tam leh tlemah a ni bawk.
India furpui southwest monsoon chuan India-in kum khata ruahtui a dawn 70% vel lawih a pe thin a, chu chu agriculture sector tana pawimawh em em niin agriculture chu India GDP 14 per cent thawhtu a ni bawk.
IMD in Mumbai, Thane leh Raigad district ah heatwave awm dawn ti
IMD ten ni hnih chhung Thane leh Raigad district-ah heatwave a awm dawn an ti sa a. Hei vang hian Mumbai velah chuan khua a lum turu hle.
IMD officials te chuan heng district pathumah te hian maximum temperature chuan 38 degree Celsius a hawlh dawn an ti.