Kum hnih chhung opium an man lo a, nikumah tam
vak lo an man. Kuminah an man chhunzawm a, nikum an man aia tam an man tawh.
Mizoram Excise & Narcotics (MEN) department-in opium hi gram 0.015 an man a, kuminah July thleng khan gram 301 an man tawh. Nikuma an man zat nena khaikhin chuan kumin hian an man hnem tawh.
2020 leh 2021-ahte khan opium hi an man lo a, nikum leh kuminah an man leh. Kumin thla sarih chhunga an man hi an man kum hmasaa mite nena khaikhin chuan a tam tih tur a ni lo.
2016 khan opium hi kg 18.478 lai an man a, hei hi an tam ber kum a ni. Hemi kum hian a hlawma tam thama an man avangin kum khat chhunga man zat hi a tam na a, a hluar tia sawi a ni chuang lo.
2001 kha 2016 tih lohva an man tam kum a ni a, kg 4.809 an man. 2007-ah kg 4.035 an man a, 2012-ah kg 2.653, 2011-ah kg 2.500 an man.
MEN department chhinchhiahna enin, 1995 kha Mizorama opium an man hmasak ber a ni a, kg 0.480 an man. An man zui lo vang vang a, 2001-ah (kg 4.809) manin, 2002-ah kg 0.480 an man leh.
MEN department hian 1995 atangin ruihhlo an man zat hi an chhinchhiah a, opium hi chu kum tina an man a ni lo. Vanneinthlak takin an man loh kum a tam zawk a, 2016 tih lohah hi chuan an man pawhin an man zat hi a tam lem lo. Chuvangin vanneihthlak takin opium hi Mizoramah a la hluar lovah ngaih a ni.
Kuminah opium man hnem leh
