-pasal neih khapna dan, Prohibition of Child Marriage Act 2006 (PCMA) chungchangah Directorate of Women & Child Development chuan Thawhlehni khan a kaihhnawih department leh thawktute nen hriat ho atana tul inhrilh leh sawikhawmna a huaihawt.
He programme hi 2024 October 18-a Supreme Court thutlukna in state tinte an dinhmun mila kum tlinglo inneihna nuaibo tura hma la tura a hriattirna bawhzuina a ni.
Department hrang hrang thawhhona tihchak leh khawtlang hruaitute, police leh zirna in hrang hrang nen thawhhona tha neih a pawimawh tih sawi a ni a. Agenda-ah hian dan kengkawhtu leh judicial officer-te tan training buatsaih, Special Juvenile Police Unit (SJPU) integration chungchang, school textbook-a PCMA telh, PCMA inhrilhhriat, inkaihhruai leh zirtirna pe thei turin zirtirtu hmeichhia ruat, leadership programe tleirawl hmeichhiate tana buatsaih leh naupang, child marriage dinhmuna ding palh theite puih chungchang sawi a ni.
Social Welfare, Tribal Affairs, Women & Child Development department bakah Police, School Education, Law & Judicial leh State Legal Services Authority atangin an tel a ni.
Kumtling loa inneih khapna sawiho
