Kurt Cobain ‘Foxes’ T-shirt an lilam
Nirvana frontman thin Kurt Cobain-a’n 1993-a photographer Anton Corbijn hoa an band photo shoot an neih tuma a T-shirt hak cu Julien’s Auctions-ah an lilam mek a, he T-shirt hi a tirah chuan dollar 4,000 atanga 6,000 vela hralh theih an inbeisei a, mahse, nimin kha chuan dollar 8,000 a chhang te pawh an awm tawh. Lilamna hi May ni 29 thlenga neih tur a ni.
He T-shirt-ah hian1980 drama Foxes logo te pawh a chuang a, he drama hi Jodie Foster channa a ni. He T-shirt hi Hole drummer thin Patty Schemel-a’n lilam tur hian a theh chhuah a, T-shirt hi 1990s kum hmasa lama Cobain-a’n a pek a ni.
Julien’s website-ah chuan he T-shirt hi an sawifiahnaah, “Cobain leh Schemel te hi thiantha tak an ni a, Schemel hi film lam ngaina mi niin, Cobain hi film hrang hrang en tura nawrtu pawh a ni a, 1980 film Foxes, Jodi Foster channa pawh an en a, Schemel hi Foxes fan a ni,” tiin an tarlang a, he T-shirt hi 1993-a band photo shoot an neih dawnah an stylist-in kawr chi hrang hrang a chhawp chhuah atangin Cobain hian a thlang a, a thlanna chhan pawh Schemel nen Foxes film an lo en dun tawh vang a ni. Shooting an zawh hnuah Cobain hian a kawr hak nei zuiin, a hnuah Schemel hi a pe ta niin an tarlang bawk. Schemel hi Cobain leh a nupui Courtney Love te nena pawh play ho ve zak zak thin a ni, Courtney Love nen Hole band-ah an telho bawk.
He T-shirt hmaah ian Foxes logo a awm a “Daring To Do It” tih a hnungah a inziak bawk. 1994-a inkaphlum ta Cobain hian he kawr a hakna thlalakah chuan sunglass oval-frame var a vuah vang mai bawk a, he thlalakah a bandmate Krist Novoselic leh Dave Grohl te nen an lang ho. He thlalak hi Spotify pawhin Nirvana page banner photo atan an hmang nghe nghe a ni.
Kurt Cobain ‘Foxes’ T-shirt an lilam
