Kutlawngin thil laih chhuahnaa tangte chhanchhuah tum

Kutlawngin thil laih chhuahnaa tangte chhanchhuah tum
Democratic Republic of Congo khawchhak lama rangkachak khur tamnaa mite chuan khur chhunga tangte chhanchhuah tumin kutlawngin an hmanraw neih ang angin an bei mek.
Pathianni zing hma taka Lomera-a khur chhung chimah hian mi paruk dama lak chhuah niin pakhat a na hle niin tual chhung chanchinbumi, Ashuza Barack chuan BBC a hrilh.
Thi zat engmah sawi chian theih a la ni lo va. Mi cheng pakhat chuan ruang 12 hmuh tawh a nih thu a sawi laiin Barack-a chuan tumah hmuh an la awm lo niin a sawi thung.
Chhiatna thlenna, South Kivu province hi nikuma DR Congo khawchhak lam ram leilung hausa lai M23 helhovin an lak huam chhunga mi a ni a. Khur chhungah mi za chuang an tang nia sawina chu helho hian an pha.
Damdawia mi puitu pawl, MSF chuan tlang bulthuta thingtlang khaw pakhat, Lomera hi a hma zawngin khaw ngaihven hlawh lo tak ni thin mah se nikum kum tawp lama thil hlu tak hmuh chhuah a nih atangin rangkachak zawngin an pan khawm nasa hle niin an sawi.
Mi sang telin vanneihna zawngin an pan a, ‘anmahniin khur siamin an inkhai thla a, a bul velah buk sain an awm tam hle’ niin MSF chuan thla hmasaa heng lai vela tuihri a len laiin a lo sawi tawh.
Lei min khur siam chawp 15 vel a chhilh tawh nghe nghe nia sawi a ni.
Chhanchhuah hna thawh hi hnawl avang leh lung lian tak tak awm avangin a muang hle.
Barack-a chuan hmanraw tha awm lo avangin hnawhtu then a hautak hle a. Dama lak chhuahte chuan eng emaw zat tang an la awm niin an sawi.
“Pathianni zan atangin kan hai tawh a, ruang hmuh kan la nei lo va, kan beidawng tawh hle,” tiin thil lai chhuaktu pakhat chuan a sawi.
M23 thuneitute pawhin chhiatna thlenna hmun hi an tlawh a, thil laih chu titawp turin thupek an chhuah.
Heng lai hmuna thil laih chhuahna hian thir leh mineral pawimawh bik laih chhuah niin khawvel puma electronics industry an chawp a. Khur tam zawk hi enkawl mumal loh leh himna pawh awm lo tak tak a ni.
Heng lai velah hian hel pawl hrang hrang leh sorkar sipaite indona a awm reng bawk.
M23 hian kumin kum tir lamah khan ram zauh vakin DR Congo khawchhak lama khawpui ber, Goma pawh an la a. Kar tawpah khan Qatar palaina hnuaiah sorkar nen inkahhai inremna an puang.