College of Horticulture Thenzawl, Central Agricultural University Imphal Manipur-a Bachelor of Science (Horticulture) zirlaite chuan August 18 atanga September 30 chhung khan Krishi Vigyan Kendra (KVK) Kolasib-ah Rural Entrepreneurship Awareness Development Yojana (READY) programme an hmang a. Thawhlehni khan khar niin, certificate hlan an ni.
READY programme-ah hian College of Horticulture Thenzawl-a B.Sc (Horticulture) zirlai mi 25 an tel a. Hun hman chhung hian group thumah inthenin khaw pathum – Thingdawl, Kawnpui leh Hortoki-ah loneitute an zirchiang. Hei bakah hian subject hrang hrang – agronomy, horticulture, plant protection, soil science, agricultural engineering, fishery science leh home science-ah KVK mithiamten an an zirtir a ni.
KVK Kolasib head, senior scientist Dr Michelle C Lallawmkimi chu Student READY course director a ni a, a ni hian zirlaite fuihna thu sawiin, certificate a hlan nghal a ni.
BSc (Horti) final year zirlaite hian an thil zir chhuah hi powerpoint presentation hmangin an entir a ni.
KVK hmunah BSc (Horti) inzir
