11th Lai Autonomous District Council (LADC) a chief executive member C Lalmuanthanga’n MDC zinga executive member atana a rawt, Mizoram larsap-in a a pawmpui tak MDC pakua chu Ningani khan LADC Hall Lawngtlaiah district bawrhsap Cheemala Siva Gopal Reddy chuan rinawmna thu tiamtirin a lalut.
LADC executive member tharte lakluh inkhawm kaihruaitu LADC executive secretary K Lalthanzara chuan sawrkar notification a chhiar chhuah hnu ah bawrhsap hian EM atana ruat thar mi 9 hi thu tiamtirin a lalut a ni.
LADC-a United Legislature Party sawrkar, CEM C Lalmuanthanga kaihhruaia EM atana lakluh takte chu – Lungtian bialtu MDC Sanghuliana Mualchin, Vathuampui bialtu MDC C Rongura, Sekulh bialtu MDC Lallawmsanga Apetow, Lawngtlai Bazar bialtu MDC Lalropuia Chinzah, Chawngte ‘P’ bialtu MDC Andrew Laltlanzara, Bualpui ‘Ng’ East bialtu MDC L Daniala, Sangau South bialtu MDC JB Vanhoy, Lawngtlai College Veng bialtu MDC C Hrangthianga leh Diltlang South bialtu MDC HC Lalthawmliana an ni.
LADC-a EM thar lakluhnaah hian CEM leh MDC-te, state leh LADC official-te, political party hruaitute, kohhran leh NGO hruaitute leh chanchinbumite an tel a. CEM hian an hna chanpual, department enkawl tur a puang nghal a ni.
LADC EM atan mi 9 lalut
