Lady Gaga chu 2024 Paris Olympics opening ceremony a zaithiam perform hmasa ber niin, July ni 26 khan French lui hmingthang Seine lui kamah French hla ‘Mon Truc en Plume’ (My Thing With Feathers) a perform a, Gaga hi lamthiam rual nen inlanin, cabaret-inspired outfit nen hmuhnawm takin a inlan.
Gaga hian a perform zawh hnuah Instagram-ah a perform-na thlalak post-in, a caption-ah, “Paris @Olympics 2024 kuminah a hawnnaa inlan tura min sawm hi ka lawm tak zet. Olympics organizing committee-in hetiang French hla special tak mai sa tura min sawm hi chawimawina ropui tak a ni- French mite chawimawina hla leh art, music leh theatre-a an history chawisanna la a ni lehnghal. He hla hi Paris a piang, French ballerina Zizi Jeanmaire sak a ni a, 1961 khan pui lutukin ‘Mon Truc en Plumes’ hi a sa a. A hla thupui hi ‘My Thing with Feathers’ tihna a ni,” a ti.
Gaga chuan Zizi Jeanmaire a ngaihsan thu leh an inzawm dan sawiin, “Zizi hi Cole Porter musical ‘Anything Goes’-ah a inlan a, ka tan pawh ka jazz tlangzarh hmasak ber a ni. French artist ka ni lo nain French mipuite nen inzawmna eng emaw tak kan nei hian ka hre ve thin a, French music te pawh ka tuipui a, France tana lawmna thlen tur leh French art leh music ropuina performance entir hi ka duhber zinga pakhar a ni a, chutiang hunah ngei chuan khawvela khawpui mawi leh ropui ber zinga mi Paris hi in zavaia in lo hriatchhuah ngei ka duh bawk. Pom pom te pawh Le Lido archive atangin kan aw a, Frenc cabaret theater tak tak an ni. Dior kan thawhpui a, annin custom costumes an duang chhuak a. French lâm hlimawm tak ka zir tluk tluk a, ka thiamthil tlem ka thawh ve bawk a- bul ka rawn tan ve lai khan 60’s French party velah ka lâm ve zak zak thin tih pawh inhre awm si lo a!” a ti bawk.
Gaga chuan, “He performance hi hmuhnawm intih ngei ka beisei. I ramah min lawm lutin in hla chuam min sak tir avangin France a mi zawng zawng te chungah lawmthu ka sawi a, thilpek ka theihnghilh tawh ngai loh tur a ni! Infiammi kumin Olympic Games-a intihsiak tur zawng zawng te ka lawmpui che u. Ka zai sak thei che u leh ka lo au phur ve thei che u hi ka tan chawimawi ropui tak a ni! Olympic Games ka en hian ka mittui a tla thin! In talent te hi suangtuah phak bak a ni. Infiamna tan ang ule,” a ti bawk.
Lady Gaga pawh Olympics opening ceremony-ah a perform
