Lakhuihthei hralhnaah sawrkar
puih leh puih lohin a nghawng na
Lakhuihthei chingtu tamna khua Sialhawk chuan a hralhna lamah sawrkarin a puih leh puih lohin nghawng a nei thui a, kum kaltaa a hralhna lama puihna an dawn that loh avangin tih chhiat an ngah phah tih an sawi.
The Aizawl Post-in thu a dawn danin, Sialhawkah hian lakhuihthei chingtu chhungkaw 250 vel an awm a. Kum 2023 khan sawrkarin lakhuihthei hralhna tur a ngaihtuahpui avangin quintal 12000 vel an hralh chhuak thei. Kum 2024 khan sawrkar atangin a hralhna kawngah puihna an hmu mumal ta loa, an theih ang angin a hralhna tur an inzawn a, quintal 13000 vel an thar atangin quintal 9000 vel hralhna tur an hmu a, quintal 4000 vel chu hralhna tura buaina a awm avangin a tawihral titih niin an sawi. Lakhuihthei hi chawhrualin kg.khat Rs.10 a hralh ang an ni a, kum kalta khan cheng nuai 90 vel an lei pha a, nuuai 40 hu vel a tawih chhe hman thung.
Kum 2023 khan Sialhawk leh a chhehvel khuaa lakhuihthei chin hi state chhung bakah state thenawm leh India ram khawpui hmun hla zawk leh, Dubai lam thlenga thawnchhuah a ni a. Hei hian lakhuihthei chingtute a tiphurin hma pawh an la nasa a, kum 2024 ah erawh sawrkar puihna an dawn mumal tak loh hnu ah anmahni ngawt chuan state pawna hralhna lam hi an harsat phah deuh ta niin an sawi.
Lakhuihthei hralhnaah sawrkar puih leh puih lohin a nghawng na
