Winter Festival 2023 Cum Mega Exhibition chu December Ni 11-16 hian AR Ground-ah neih tura ruahman a ni.
Nimin khan festival hman dan tur relin MINECO Building -1 ah Tourism Department Official-te an thutkhawm.
December Ni 7 hian a khuhhawn nan Elle Media (Supported by Mizoram Tourism) te’n an chah chhuah tur Vengaboys te’n AR Ground-ah tho Concert an rawn nei ang.
Winter Festival Cum Mega Exhibition-ah hian Stall hrang hrang buatsaih a ni dawn a. Mit leh beng titlai tak tak Live Concert, Cosplay bakah Variety Programme nuam tak tak awm tura ruahman a ni a. Hemi hun atana mawhphurhna chanvo hrang hrangte Meeting-ah hian inpek nghal a ni bawk.
He hun hi Zoram mipui a tam thei ang berin hlutsak a, chhim theuh turin Committee chuan a sawm a ni.
Nimina thutkhawmah hian V. Lalengmawia Jt. Secretary Tourism Deptt. leh Zonunthari Dy. Secretary, Tourism Deptt. te’n Winter Festival Cum Mega Exhibition hman dan tura ruahmanna tlangpui an sawi a. DC, SP, SP Traffic, Assam Rifles, Department hrang hrang aiawhte bakah Event partners-te he hunah hian an tel a ni.
Lammualah Winter Festival leh Mega Exhibition
