Apollo Hospital Hyderabad-a senior physician Dr Vasanth Kumar chuan Zirtawpni khan Raj Bhavan Durbar Hall-ah ‘Presentation and Talk on Lifestyle Diseases and Diabetes’ tih thupui hmangin hun a hmang.
Larsap D. Hari Babu Kambhampati chuan tunlai khawvelah taksa sawizawi tlem luatah natna hrang hrang – zunthlum, BP sang leh a dangte a hluar tak em avangin mahni taksa leh rilru hriselna theuh ngaihpawimawh a tul tih a sawi a. Hriselna chuan nitin hnathawhnaah leh thutlukna siamna kawngah pawh nasa taka a nghawng theih avangin mitin chu mahni hriselna ngaihthah lo turin a chah.
Dr Vasanth Kumar presentation leh inkawmhona an hman chu hlawkthlak a tih thu sawiin, a chhimtu zawng zawngten mahni rilru leh taksa hriselna an ngaihpawimawh thar phah ngei a beisei tih a sawi bawk.
He hunah hian tunlai kan nundan tha lo avanga natna hrang hrang, a bikin diabetes a thlen dan bakah nundan leh ei leh in tur hrisel ngaihpawimawh a tulna thlir leh ngaihthlak a ni a. Dr. Vasanth Kumar hian inzirtir leh inhrilhriat a pawimawh avangin he hun chhimtute chu midang hnenah hrilh chhawng turin a chah a ni.
Larsap hoin nunphung hrisel zir
