Mizoram larsap hna chelh lailawh tura sawrkar laipuiin a ruat, Tripura larsap Indra Sena Reddy Nallu chu a hna chelh kawp turah Thawhtanni khan Durbar Hall Raj Bhavan-ah lakluh a ni.
Chief secretary Dr Renu Sharma chuan President of India thupek chhiar hmasa in, larsap lakluh inkhawm hi tan a ni a. Gauhati High Court judge Justice Nelson Sailo chuan Indra Sena Reddy Nallu hi rinawmna thu tiamtirin Mizoram larsap hna thawk turin a lalut.
Swearing-in ceremony-ah hian chief minister Lalduhoma, speaker Lalbiakzama, Home minister K Sapdanga leh minister dang, Lok Sabha MP Richard Vanlalhmangaiha, chief secretary, DGP leh sawm bik dangte an tel a ni.
Indra Sena Reddy Nallu hi 1949 March 31 khan Nalgonda district Telangana-a Ganuga Banda khuaah a piang a, a nu leh pate chu N Ram Reddy leh Hanumayamma an ni a. A nupui Renuka Nallu nen fapa pathum an nei.
Kum 1983, 1985 leh 1999 khan undivided Andhra Pradesh-ah term thum chhung MLA a ni tawh a, kum 2003 khan BJP State president hna chelhin kum 2014 khan BJP National general secretary atan ruat a ni bawk.
Larsap lailawk tur lalut
