US Open khelh meka India beiseina awmchhun Rohan Bopanna leh a Australian kawppui Matthew Ebden chuan second round match pakhata 6-3, 6-3-a Roman Safiullin of Russia leh Kazakhstan mi Andrey Golubev tangdun an hneh hnuah nizan khan men’s doubles Round of 16-ah unseeded British pair Julian Cash leh Henry Patten tum leh nghalin, an result tarlan hman a ni lo.
Sixth seeds Indo-Australian pair hian karliamta Nilaini daih tawh khan an match hmasaberah straight-set hmangin Australian pair Christopher O’Connell leh Aleksandar Vukic tangdun an hneh a, nuamsain second round an lut.
Kum 43-a upa ni tawh Bopanna leh kum 35 mi Ebden thawkdun hian Wimbledon semi-final pawh an lo thleng tawh a, nizan result hriat hma thleng khan Flushing Meadows-ah pawh hian champion tum tana paltlang ngai pakhat zingah an tel chho leh mek a ni.
Last 16 lut Bopanna-Ebden
