Mumbai tuipui kama Navy craft in lawng a sut tuma naupang kum sarih mi bo ta zawn hna chu nimin thleng khan an la neih reng thu official-te chuan an sawi.
Ningani tlai khan kum 43 mi ruang hmuh a ni a, heti hian December ni 18 a chhiatna rapthlak tak thlenga thi zat chu 14 an tling tawh a ni.
Navy hotute chuan lawng chawlh hmun hnaiha chetsualna leh thihna hial thlenna chungchang chu an chhuizui nghal thu sawiin, navy helicopter leh lawngte chu bote zawn hna thawk tura dah an nih tawh thu an sawi.
Lawng pahniha chuang mi 113 zinga 14 te hi thiin, mi 98 chhanchhuah an ni tawh a, hliam tuar mek pahnih an la awm bawk.
Tarlan tawh angin, December ni 18 khan Mumbai tuipui kamah Navy lawng pakhat, engine trial nei mek chu control zawh loha awmin, passenger phur lawng lian nen an insu a ni.
Lawng chetsualnaa bo naupang kum 7 mi la zawng mek
