Mizoram Football Association leh All India Football Federation tangkawpin an buatsaih AIFF ‘D’ Certificate Coaching Course chu karliamta Inrinni khan YLA Lawngtlai Vengpui Ground-ah khar a ni.
April ni 9, 2024 (Thawhlehni) atanga kalpui tan he course instructor hi Danny Lalduhawma (AFC ‘A’) niin, co-coach educator chu Samson Ramengmawia (AFC ‘B’) a ni, coordinator chu Lailianchhunga Chinzah (AFC ‘C’) a ni thung.
AIFF ‘D’ Certificate Coaching Course-ah hian Mizoram hmun hrang hrang atangin mi 27 an tel thei.
Coaching course kharna hun hmanpuitu MFA EM leh Lawngtlai DFA hruaitute chuan course chhimtute chu hlawhtlinna chang theuh turin duhsakna an hlan a, AIFF ‘D’ hi bultanna tur chauh a nih avangin duh tawk mai loa a aia sang zawk thlen zel tum turin an fuih.
Mizoram Football Association chuan AIFF nen tangkawpin AIFF ‘D’ Licence Coaching Course bakah AFC ‘C’ Diploma Course a tam thei ang ber buatsaih tumin hmachhawp a nei leh mek a ni.
Lawngtlaiah AIFF ‘D’ Certificate
