China foreign ministry chuan Israel leh an thenawm ramte buaina avangin an mi leh sate an thiarchhuak nasa tawh hle, an ti. Report hnuhnung bera a lan danin Lebanon atang ringawt pawhin an mi leh sa 200 chuang an hruai haw tawh.
Heng an hruai hawte zingah hian Hong Kong leh Taiwan mi pawh an awm thu an sawi a, an mi leh sa hruai haw hna hi thawh hnihna an neih tawh thu an sawi bawk.
China hian venhimna khauh tak hnuaiah an mi leh sate hi an hruai haw thu an sawi a, Israel leh Lebanon ram hi a buai zui zel avangin an mi leh sate sahimna chu an ngaih pawimawh zual a ngai tiin, embassy pawh englai pawha an mi leh sate tana inhawng reng turin a hriattir bawk.
Buaina thlenna hmun hrang hranga an embassy te chu inring renga awm turin an hrilh thu an sawi a, China chuan a mi leh sate himna chu a ngaih pawimawh ber a nih thu leh, hruai haw hna pawh a tul dan azira thawh nghal zel a tum thu a sawi.
Lebanon atangin China mipui 200 chuang chhuak tawh
