Black Music Collective bultuma Recording Academy Honors-ah Lenny Kravitz chu 2024 Global Impact Award dawng tura puan a ni a, he event hi an rama February ni 1 zan (keini tana ni 2 zing kar a ni tawh ang) hian Fairmont Century Plaza, Los Angeles-ah an nei dawn a, Lenny Kravitz hi award dawng tur mi pathum zinga puan hmasak ber a ni.
He award hi mihang zinga rimawi lama sulsutu pawimawh, rimawu khawvela huhang nei lian, a tha zawnga danglamna thlen thei te chawimawina a ni a, he award hi nikum khan Dr. Dre, Missy Elliott leh Lil Wayne te an lo dawng tawh bawk a ni.
Kravitz hian a zawnin kum li chhung (1999-2002) chu Grammy Awards best male rock vocal performance a dawng thei a, heng award te hi a hla ‘Fly Away,’ ‘American Woman,’ ‘Again,’ leh ‘Dig In’ avanga a dawn te an ni.
Kravitz hi 2024 People’s Choice Awrds-ah pawh Music Icon Award hlan a ni dawn a, nikum khan Hollywood Walk of Fame inductee niin, May ni 24 hian a album thar ‘Blue Electric Light’ a tlangzarh dawn a ni.
Lenny Kravitz-a’n 2024 Global Impact Award dawng dawn
