India zalen vawi 77-na champha lawmna leh Azadi Ka Amrit Mahotsav kharna pualin Labour, Employment, Skill Development & Entrepreneurship department chuan “Youth Skills and Learning for a Transformative Future” tih thupui hmangin chu Thawhtanni zing khan Vanapa Hall atanga Millenium Centre thleng ‘Walkathon for Skill Development’ buatsaih a ni.
LESDE secretary Lalramsanga Sailo chuan he programme hi India Independence Day pual leh Azadi Ka Amrit Mahotsav kharna pual leh G20 pual a ni tih a sawi a. Mizo thalaiten kan zirna bakah thiamthil zirna ngaihpawimawh chu hmabak eng zawk leh tha zawk kan neihna tur a ni, tiin, helama thawktu thalaite tana ding LESDE chu hmang tangkai zual turin a sawm a ni.
Walkathon for Skill Development hi LESDE-in kumin hi tum hnih a buatsaihna a ni a. Mizoram Institute of Comprehensive Education (MICE) leh NEUHOF atangin zirlai 100 an tel a. College pali – Govt. Hrangbana College, Govt. Aizawl College, Govt. Aizawl West College leh ICFAI University atangin zirlai 120 kalin, Mizoram Building & Others Construction Workers Welfare Board hnuaia training provider – Mission Foundation Movement, Vocational School of Education, Accent Plus, VAKIRIA Computerised Embroidery atangin mi 100 leh Medhavi PMKK Centre atanga mi 30 te nen an vaiin mi 350 leh department official-te an tel a ni.
LESDE-in walkathon buatsaih
