LESDE Inter Veng final 2025
Zarkawt vs Tuikual South – ‘Thuts or Phengphehlep!’
Mizorama basketball thiam ber veng pahnih a hriat ta – zanin ah erawh he veng pahnih zinga chak zawk hi champion an ni satliah dawn lo, Mizorama basketball thiam ber veng an ni dawn!
Finalist khaikhin ila
Tawiawmtu mipui tam lamah chuan an inzat thawkhat viau a, mahse, Tuikual South hian hardcore fans an nei tha zawk.
Semi finals-ah khan khang an hardcore fans khan Nursery veng an hneh theihna tura an thawhhlawk zia kha an captain the general Dina Fanai leh an head coach Tyson-a te khan an hrechiang ber ang, hriatpuitu chu neutral fans!
Tuikual South maw? Mizorama veng/khua inelnaa hnuhma nei tha ber dawttu an ni a, tum thum an champion tawh hem mai!
An chungah tum li champion tawh Chanmari veng nih rualna hun tha an neih hi engtin tak hmang tangkai ang maw…
Final ringawti pawh tun tum nen hian vawi li an invawrh kai ta der – record nei pui tak an ni!
Kum 2005 atangin tuna an thiampuipa Dina Fanai hova thawnthu ngaihawm leh ngaihnawm an lo thai tawh hi, zanin hian an chhunzawm leh dawn ta!
Tunhnai veng/khua intihsiakna lamah erawh Mayor’s Cup ah Zarkawt vengin semi final an lut thei. U-23 tournament-ah final an thleng leh zui thei cheu bawk.
Keu let leh hret ila
Zarkawt veng hi Mizorama team changtlung hmasa ber Falcons innghahna veng leh Mizoram Super League (MSL) vawi nga zet champion thei veng an ni.
Aizawl khawpuia basketball taidarhtu veng erawh hian champion nomawi an la chawingai lo tlat thung!
Final pawh senior touney-ah an la inhlangkai ngai lo! Hun tha an nei a, it’s coming home tih theih hun pen khat chiahin a dang ta! Semi finals thlirlet zuai ila.
Semi finals 1
Tuikual South: Inkhel tan hmaa langsar tak chu TKS that ber tum a ni lova, chak beiseiawm loh zawk an ni. Mahse, inkhel hamrik a rik zawh rual atanga a tawp thlengin Rohlua telna team hi an game plan-ah an chiang zawk. Head coach Tyson-a fak phu a ni.
Point atanga player khel tha teh tur nise, an innghahna Dina Fanai hming sawi rik a ni lovang. Defense leh offense lama a tal ngap zia leh 4th qtr. ah game a thlak hlawk – an chak zui.
TKS:
- Jeptha – 35 pts 2. Dina – 14pts
- Dodo – 13pts 4. Faka – 14 pts
- Rinpuia – 5pts Nursery head coach Albert-an champion nomawi chawi lova semi final-a an zin kawng a tawp chhanah hian referee thutlukna thenkhat a helh viau ang.
Chutih rualin, a palian Sangsanga inhliam leh a player ‘cial Emmanuel-a tum dang pha tawk lo khan nghawng a nei. Pawn lam atanga lo thlirtu tan khel tha Ppa a dah lut har leh substitution fuh tawk lo awmin a lang.
Pressure sang tak hnuaia Miller-a insum thei khan player danglam a nihna a phochhuak e. Khaikhawm dawn ila – tawnhriat ngah zawk TKS mak tak maiin an ngam lo!
Nursery:
- Emmanuel – 30pts
- Miller – 19pts
- Ppa – 16pts
- Reuben – 5pts
- Sangzela – 6pts
Final score: TSK 87 – 77 Nursery
Semi finals 2 – Zarkawt:
Zofate zinga dam laia palian ber, fit 6’5 zeta sang Matthew Sailo hovin defense sut tlang hleih theih loh hmangin an coach Dino-a leh a thachhangdawltu Michael-a ten player an hung a, an rem phui tha hle. Player tha huangah Rema a ziahluh ngam ta bawk e.
He veng hian chhuang taka an sawi tur te zingah Zarkawt fachuam naupang rual te kha basketball court-ah an puitlinna a rualin a lang ta thawt!
Zarkawt:
- Rema – 28pts
- Matthew – 12pts
- Dina – 10 pts
- Ruatkima, Zorina, Rempuia – 6pts each
Dawrpui Vengthar:
An first five pahnih ngawt Dawrpui Vengthar coach in mimal thil avangin a chhawr thei lova, chuti chung chuan DPVT hi an khel tha hle. He team hian damchhung leh a hnu thlenga chhinchhiah zui tlak huaisenna hmangin an hnutchhiah e.
DPVT:
- Dina – 20pts
- Chunga – 15pts
- Dedea – 13 pts
- Jonathan – 6pts
- Tantana – 5pts
Final Score – DPVT 59 – 63 Zarkawt