Lifestyle vangin hmeichhia a ching thei
Khawvel thang zelah kan nungphung (lifestyle) a inthlak a, mahse, he lifestyle inthlak hian hmeichhia te tan nau pai theih loh phahna a thlen thei niin All India Institute of Medical Sciences (AIIMS) a gynaecologist te chuan an sawi a, “Lifestyle inthlak vanga mei zuk te, darkar rei tak tak hna thawh te leh lifestyle nena inkaihhnawih disorder dang te hian hmeichhia a ti ching thei a ni,” an ti.
Abha Majumdar, director of the centre of Invitro human fertilisation (IVF) anf human reproduction, Sir Ganga Ram hospital-a an hotupa pawhin, “Hmeichhia ten khawvel hmanhmawh tawh takah hian nunphung hmanhmawh tak an zawm ve tawh a, hei hian stress a ti sang a, an menstrual cycle leh hormonal make-up te tibuaiin, nau pai theih lohna hial pawh a thlen thei a ni,” a ti.
Abha Majumdar chuan, “Kan lifestyle inthlak vangin hmeichhe tam tak pasal an nei har tawh a, kum 30 hnu lama pasal nei kan tam tawh a, chu chu tunlaia infertility tamna chhan pakhat a ni,” a ti.
Lifestyle vangin hmeichhia a ching thei
