Thawhtan zing khan NBA regular season khelh chhunzawm a ni a, Portland Trail Blazers in point 131-114 a Houston Rockets an hnehtumin Damian Lillard a chepui leh viau a, point 71 zet a thawkchhuak. Inkhel dangah LA Lakers chuan Dallas Mavericks an hneh ve bawk.
Portland Trail Blazers hian Houston Rockets lakah an khel tha viau a, quarter hmasa pahnihah chungnung zawk an ni ve ve a. Point 15 a hmahruai chungin chawlhlawk an hmang.
Chawlhlawk hnu lamah Rockets in bul an tan tha ve thung a, quarter thumnaah point khatin chungnung zawkah an tang a, an inkar an tizim. Quarter thumnaa Rockets chungnung zauh mah se quarter linaah Blazers an chungnung zui leh zat a, point khelh khawmah point 17 ngawta chung-nungin Blazers hian hnehna an chang zui ta a ni.
Rockets an hneh tum hian Portland Trail Blazers player pawi-mawh Damian Lillard chuan point 71 zet a thawkchhuak a, a che ropui hle. Lillard hian vawinga zet point 60 chung lam a thawk-chhuak tawh a. Game khata point 60 chin chung lam thawkchhuak tam pathumna niin a chungah hian point 60 ching chung lam vawi ruk thawkchhuak tawh Kobe Bryant leh vawi 32 zet point 60 ching chung lam thawkchhuak tawh Wilt Chamberlain te an awm.
Thawhtan zinga inkhel ngaihven hlawh dangah Los Angeles Lakers chuan point 27 zeta an hnugual tawhna thaichhiain an khingpui Dallas Mavericks chu point 111-108 in an hneh let a. Vawi 14 ze an chak zawnna ni turin Milwaukee Bucks chuan point 104-101 in Phoenix Suns an hneh bawk. zui ta a ni.
Kum 1983 khan Detroit Pistons chuan an khingpui Denver Nuggets chu point 186-184 in an hneh. Pistons leh Nuggets te inkhel hi NBA chanchinah khelh khata point luh tamna ber a ni a. Zirtawpni zinga Sacramento Kings in point 176-175 a Los Angeles Clippers an hneh kha NBA-ah khelh khata point lut tam lamah pahnihna a ni thar.
Lilliard a che pui leh pek
![](https://theaizawlpost.org/wp-content/uploads/2023/02/bsk.jpg)