Lirthei tlan dan tur siam
Bawngkawn leh Thuampui inkar (Aii Puk) kawng chhak lamah thing leh lung tlak mai hlauhawm a awm avangin a then hna thawh a ni dawn a. April 26 chawhma dar 10.00 atanga tlai dar 4.00 chhunga then laiin, helai kawnga lirthei tlan a him dawn loa, senior SP Traffic chuan lirthei tlan dan tur a duang.
Bawngkawn atanga Thuampui lam pan tur lirthei (LMV leh two wheeler) te chu Bawngkawn Hmar Veng kawng – Bawngkawn Presbyterian biak in bul atanga Thuampui lam panna kawngah a tlan theih anga, hemi kawngah hian Thuampui atangin Bawngkawn lam panin lirthei tlan phal a ni lo.
Zemabawk leh Zuangtui lam atanga Aizawl chhung pan turte Falkland atangin Chite lui kanin Armed Veng/ Bethlehem Veng /ITI Veng lamah an kal thei ang.
LMV leh two wheeler-te chu Thuampui atangin Durtlang via Zuangtui lamah a tlan theih anga, Durtlang atangin Thuampui via Zuangtui lamah a tlan theih bawk.
Hnathawh chhung hian HMV – Zemabawk atanga Sairang, Sairang atanga Zemabawk pan turte tlantlang phal a ni loa; City Bus chu Bawngkawn, Durtlang junction Traffic Point-ah kualtir a ni ang.
A hmuna Traffic Police duty-ten a tul dan azirin ruahmanna an siam thei bawk a ni.
Lirthei tlan dan tur siam
