Lisa-i’n VS Fashion Show a kick off
Angels an rawn kir leh ta! Victoria’s Secret Fashion Show chu New York City-ah an nei leh ta a, show kick off-tu chu tudang ni lovin K-pop hmeichhe group BLACKPINK member Lisa ngei mai niin, stage-ah motorcycle nen inkhalh lutin a hla hit ‘Rockstar’ a perform.
Lisa hi latex dum two-piece set a inthuamin, motorcycle atangin a zuangthla nalh a, dancer rualin an tawimawm bawk. Runway velah a perform paha a chevel te chu VS model zinga pakhat emaw tih ve mai pawh awl tak tur a ni. Lisa hi a nu deuhah rangkachak rawng thlalem nen stage-ah inlan lehin, a hla thar ‘Moonlit Floor’ a perform leh bawk.
Tyla pawh a che pui teh e, thlalem var inbelin, supermodel rual Candice Swanepoel, Barbara Palvin leh Lila Moss te runway a an inthehthilh laiin kumin March thlaa a album tlangzarh ‘Tyla’ atanga a hla ‘Push 2 Start’ leh ‘Water’ te a perform a, ani pawh hi VS model zinga pakhat emaw tih mai tur a ni ve leh tlat!
Hranghlui chuai thei lo, a khat tawka hrangthar leh thin Cher pawh perform-in, lamthiam rualin an tawiawm karah 90s hla hit ‘Strong Enough,’ leh ‘Believe’ te a sa a, a zai laiin Bella Hadid pawh modeling a chawlhsan hnua a vawi khat nan runway-ah a rawn inlan ve leh ziai ziai a ni.
Lisa-i’n VS Fashion Show a kick off
