International Literacy Day pualin District Hub for Empowerment of Women (DHEW), Women & Child Development District Programme Officer office Lunglei leh District Education Officer (DEO) office Lunglei tangho chuan zirlaite tan essay, drawing & slogan inziahsiak an buatsaih a. Thawhlehni khan lawmman semin, district bawrhsap R Lalthazuala’n a hlan a ni.
International Literacy Day hi kumtin September 8-a hman thin a ni a, kuminah he ni pual hian Lungleiah high school leh middle school zirlaite tan essay inziahsiak leh primary school tan lemziak leh auhla (drawing & slogan) inziahsiak buatsaih a ni. Intihsiakna thupuiah hian “Importance of Girl Child’s Education” (Hmeichhe naupang lehkha zir pawimawhna) tih hman a ni.
He inelna hi sawrkar laipui hmalakna – Mission Shakti hnuaia Beti Bachao Beti Padhao (BBBP) kaltlanga buatsaih niin, BBBP tum ber chu, India rama nau piang zat mipa leh hmeichhia inthlauhna nasa tak tireh tur leh nuin nau a pai laia hmeichhia nge mipa an nih khawl hmanga enlawk, mipa leh hmeichhe dinhmun inkar zau lutuk tihreh leh hmeichhe naupang venhima tihhmasawn leh zirna tha zawk pe tura hma lak a ni.
Essay inziahsiakah hian high school level-ah 1-na R Lalruatfeli (class-X) Govt Electric Veng HS; 2-na Lalrozama Sailo (class-X) Govt Electric Veng HS; 3-na Jenny Lalmuanpuii (class-X) Govt Bazar HS an ni. Middle school level-ah 1-na Lalhriatpuia (class-VII) Govt Pukpui MS-I; 2-na Lalnunhlui Ralte (class-VII) Govt Pukpui M/S-I; 3-na Lalhmangaihi (class-VII) Govt Pukpui M/S-I an ni. Lawmmanah hian certificate leh sumfai an dawng a, 1-na Rs. 5000, 2-na Rs. 3000, 3-na Rs. 2000 a ni.
Primary school level-ah 1-na 2nd Bn MAP English Medium School Luangmuala class-I zirlaite; 2-na Govt Zotlang P/S-II a class-IV zirlaite; 3-na 2nd Bn MAP EMS-a class IV zirlaite an ni. 1-na in Rs. 15000, 2-na Rs. 10000, 3-na Rs. 8000 hlan an ni.
Literacy Day pualin zirlaite intihsiak
