Live sex kaihhnawihah jail-ah mi pathum khung

Social media-a ‘live’ a mipat hmeichhiatna hman kaihhnawiha inhnamhnawih mi pathum chu police-in manin jail-a khung an ni.
Kumin February 8-a Mizo sex video thenkhat social media-a nasa taka darh tih hriat a nih hnu ah Cyber Crime Police Station chuan chhuizui nghalin, heng video hi instagram atanga sawmna siamtu in, man chawia video en theihna mobile application-a dah a nih dan a sawi/ dah chhuak tih hriat a ni a. Enquiry officer chuan suo moto FIR thehlutin, thubuai ziahluh a ni.
Cyber Crime P/S team hian rang taka chhui nghalin, darkar 24 chhungin he thila inhnamhnawihte hriatchhuah an ni a. He video-a inpholang hmeichhe pakhat leh video app neitu hmeichhe dang pakhat chu February 10 zing khan man niin, hemi ni vek hian court-a remtihna angin jail-a dah an ni.
He thila inhnamhnawih ve nia hriat mipa chu February 10 chawhnu khan Cyber Crime P/S hian man ve lehin, February 11 chawhma khan court remtihna in jail-a dah ve leh a ni. Case hi chhui zui mek a ni a, he thila inhnamhnawih dang an awm a nih chuan an chungah dan anga hma lak zel a ni dawn tih police hotute chuan an sawi.
Mizoram Police chuan social media hman danah fimkhur turin mipui an chah nawn a. Social media-a dan bawhchhiate chungah dan hmanga na taka hma lak zel a ni dawn tih an sawi a ni.