Vanlalhriatpuia (25), Darlawn Venghlun chu March 15-a lo hal tur leh sangha man tura a chhuak hmuh zui a ni loa, a lo bul kawrte ah thia hmuh a ni.
Thudawn danin, Vanlalhriatpuia hi a thiante pahnih nen lo hal tur leh sangha man turin an kal a, a thiante pahnih erawh sangha man tur ringawt an nih avangin lo halnaah awm loin innghahkhawmna tur hmuna an tihah an tlang a ni.
Lo hal zawha innghahkhawmna tura an ruat pan nghal a tum avangin Vanlalhriatpuia hian a thiante hi a mutbu leh mobile phone a kentir a. Hun engemawchen an nghah hnu pawha a thlen loh avangin a thiante hian lui lam a pan tlang a nih ringin, lui an pan ta a ni.
Luiah an hmuh loh avangin a haw tlang a nih ringin ramah an riak chhunzawm a. March 17 chawhnu dar 3.00 velah a thiante hian Vanlalhriatpuia hi a phone leh mutbu vel pek tumin an inah an kal a, a haw lo tih hriat chhuah a ni ta chauh a ni. A chhungte pawhin a sawi lawk anga sangha man tura riak tlang nghalah an ngai.
March 17 tlai hian zawn nghal a ni a, a lo neihna bul kawrah a bawkkhup zawnga thia hmuh niin, a a kang a, ruang a lo chhe deuh tawh nia sawi a ni.
Lo halnaah tlangval thi
