Congress matriarch Sonia Gandhi chu kum 25 hnuah Lok Sabha member ni dawn tawh lovin Rajasthan atangin Rajya Sabha member ni turin nomination a file ta a. Non-Indian origin ni chunga India ramin politics a buai chiri nuai a neihlaia politics luhchilha ngelnghehna siamtu anga ngaih a ni.
Kum 77 a upa ni tawh Sonia Gandhi chuan public life la chhuahsan dawn lovin chawl lovin a nihna a thlak dawn chauh tihna a ni bawk.
Rajasthan atanga Rajya Sabha member ni tura nomination paper thehlutin Congress te chuan member an ngah tawk avangin tling chiangsa a ni dawn a. A hma zawng chuan Prime Minister hlui Manmohan Singh chu Rajasthan aiawh niin mahse a chawl dawn ta thung.
Sonia Gandhi hian party chakna Amethi, Uttar Pradesh leh Karnataka a Blelary atangin Lok Sabha member nih a chuh a, a tling ve ve a, kum 1999 inthlan khan niin a pasal Prime Minister Rajiv Gandhi thah a nih atanga kum riatnaah chiah thlantlin niin party chhanchhuaktu pawimawh anga ngaih a ni.
Kum 2004 khan UP a Congress te chakna tho Raebareli ah a insawn leh thung a. Kum 1999 atang khan Lok Sabha member ni char charin party kaihruaitu pawimawh a ni char char a ni.
Parliament chhung leh pawnah a thawhpui te chu langsarin a siam zawk a, tawng tam lo tak ni chungin a tulah erawh khauh leh nataka thil sawi thei a ni a. Chu chu nikum September leh December thlaa BJP te Women’s Reservation Bill leh MP rual te suspend chungchanga a tawng chhuah danah a chiang hle.
Kum 2018 khan nataka sorkar sawisel bawkin, “PM hi lecture tur chuan a tha a, mahse, lecture chuan pumpui a tipuar thei lo. Pumpui puar nan chuan dal chawal a ngai a. Lecture in damlo a tidam lo va, health centre in a ni tidam ni” tiin a sawi.
Kum 2015 pawh khan Modi chu nataka beiin Chief Information Commissioner ruat chungchang sawihonaah Modi chu ‘langtlang tiama tihlawhtlng si lo’ tiin a sawi bawk.
Sonia Gandhi chu Italy chhuak a nih avangin beih a tawk nasa bawk a, India Prime Minister pawh ni thei dinhmuna a dinlai pawhin a Italian thisen kaina avangin a nihlohphah anga ngaih a ni bawk a/
Kum 2004 atang khan Raebareli seat a luah tana inthlanah vote 55 per cent aia hniam a hmu ngai lo. Kum 2004 leh 2009 a Congress tlakpui kumah pawh Sonia Gandhi chu a tling tho va, Rahul Gandhi an Amethi a chan pawhin Sonia chu a tling tho.
Tunah Raebareli a chhuahsan takah chuan tu nge a aiawh ang tih chu zawhna niin Rahul chu a ni dawn lo sa thung a, chuvangin a fanu Priyanka Gandhi Vadra chu a nu hnu a chhui dawn tia sawi a ni.
Sonia Gandhi in Rajya Sabha a luhchilh tak zawk hnuah chuan Gandhi Vadra chu penchuak tura ngaih a ni ta a. Kum 2019 inthlan dawn pawh khan Gandhi Vadra chuan inthlana chuh a inpeih tawh tiin a lo sawi tawh a ni.
Priyanka Gandhi Vadra chu a pi Indira Gandhi hmelah pawh ang leh ziaah pawh ang tia sawi niin leadership quality nei tha tak tia sawi a ni bawk.
Lok Sabha atangin Sonia Gandhi chawl
