Lunglei District bawrhsap Ramdinliani, District Election Officer ni bawk chuan nimin khan Lok Sabha Inthlanpui neih tura mawhphurhna chanvo changtu nodal officer-te meeting a neihpui.
Sector Officer atana ruat mi 36 te leh Polling Station atan ruat School building te chu Polling station atana hman tlak ngei a nih theih nan heng Assured Minimum Facilities (AMF) : Electric, Tui, Separated Toilet for Male & Female, approach Road, Ramps, etc. te thuamthat kawngah nodal officer-te hian mawh an phur dawn a ni.
Nimina \hutkhawmnaah hian Sector Officer-te chuan an bial \heuhva Polling Station dinhmun te leh AMF a awm em? tih te Inspection an neihna report an pe theuh va, chung an report atang chuan Road communication Planning leh Road Map te duan fel nghal a ni a. Polling station dinhmun te chiang taka hriat a ni hnuah AFM chungchanga hmalak ngaih belhna laiah, hmalak dan tur pawh rel nghal a ni.
H. Zonunmawia, SDO(C), Tlabung leh Nodal officer for Road Communication Nodal Officer ni bawk chuan Power Point Presentation hmangin Polling party ten Despatch centre a\anga Polling Station an panna tur kawng hnai ber Road Map bakah, Sector Officer ten an bial chhunga awlsam leh hneh leh zuala Law &order an kenkawh theihna tur leh Poll Day-a an sector hnuaia EVM chhia a lo awm palh pawha rang taka Polling station te an vil zung zung theih nan an kawng zawh tur Road Map a duan te chu a entir a, siam rem hret ngai a awm em? tih te ngun taka thlirhoa siam \hat a ni.
Nikum MLA inthlanpuiah khan Lunglei District chu Sector 28-a \hen a ni a, Sector pakhat hi Sector Officer pakhat leh Sector Police Officer pakhat zelin an vil a. Kumin Lok Sabha Inthlanpuiah erawh chuan Sector officer ten hneh leh zuala Law & Order an kenkawh bakah Poll Day-a EVM chhe palh a lo awm thulha Polling Station te an vil zung zung theih nan Sector 28 chu Sector 36-a \hen sawm leh a ni a, hei hian Polling station tin chu Sector Officer te tan rang taka thlen zung zung a ti awlsam dawn a ni.
Lok Sabha inthlan atan nodal officer-te \hutkhawmpui
