Mamit District Development Co-ordination & Monitoring Committee (DISHA) review meeting chu nimin khan Lok Sabha MP Pu Richard Vanlalhmangaiha hovin DC Conference Hall, Mamit-ah neih a ni.
Suvigya S Chandra, District Bawrhsap chuan Mamit district chhunga sawrkar department hrang hrangte dinhmun a lem nen chipchiar takin a tarlang.
|hutkhawmah hian sawrkar laipui ruahmanna hnuaia hmasawnna hna thawh hrang hrang kal mek leh harsatna awm theite thlir hoa sawi ho a ni a. Mamit District chhunga ambulance indaih loh chungchangah MP Richard Vanlalhmangaiha chuan financial year 2026-27 chhunga hmalakna a awm loh chuan a MP fund atanga ngaihtuahsak a inhuam thu a sawi.
Lalchhanhima, Project Director, Mamit chuan DISHA meeting hmasaa hmalaknate a lem nen tarlangin Health & Family Welfare hnathawktu indaih loh chungchangah Marpara PHC leh Phuldungsei PHC ah te Medical Officer (MBBS) dah an nih thu a sawi a, health worker hmeichhia pakhat Silsury-ah dah a nih bawk thu a tarlang.
|hutkhawmah hian line department te leh tlawmngaipawl aiawh leh khawtlang hruaitute an tel a ni.
Lok Sabha MP hovin Mamit-ah DISHA meeting nei
