BJP MP Om Birla chu 18th Lok Sabha speaker atan Prime Minister Narendra Modi-an a rawt hnuah thlan a ni a, NDA te hian a term hnih nan an rawt nawn a ni.
“House pum aiawhin lawmthu ka sawi a, i kaihhruaina hnuaiah kum nga kan kal leh dawn a ni” tiin Modi chuan a sawi.
“Parliamentarian a nih anga Birla hnathawh hi Lok Sabha member te tan inspiration a ni” tiin Modi chuan a sawi bawk.
Pro-tem Speaker B. Mahtab chuan Opposition tena Congress MP Kodikunnil Sureh chu candidate atana an chhawp chhuah chunga vote lak an ngiat kher loh hnuah Speaker atana thlan a nih thu a puang a ni.
Thlan a nih hnuah Prime Minister Modi, Leader of Opposition Rahul Gandhi leh parliamentary Affairs Minister Kiren Rijiju te chuan birla chu Lok Sabha Speaker chair thlengin an kalpui a ni.
“Opposition pum leh INDIA alliance aiawhin lawmpuina ka hlan che a ni” tiin Gandhi chuan a sawi a. “I hnathawhah opposition te chuan puih theihnaah puih che kan duh a ni. House ah thu kan sawi min remtihsak dawn tih ka hria a. Opposition te tawng theia siam hian i duty ber Constitution of India i chhan tihna a ni” tiin Rahul Gandhi chuan a sawi bawk.
Lok Sabha Speaker Om Birla bawk
