Sawrkar laipui Ministry of Agriculture & Farmers Welfare hnuaia Central Integrated Pest Management Centre (CIPMC) Aizawl chuan Thawhtanni leh Thawhlehni khan ‘HRD Program on IPM for Kharif 2024- 2025’ tih thupui hmangin Dampui, Zawlnuam RD Block Mamit district-a loneitute tan training an buatsaih.
Ni khatnaah hian CIPMC Aizawl-a officer in-charge leh technical staff-te chuan IPM peng hrang hrang, thlai bawm rannung, natna leh thlai tana rannung tangkai thliarhran dan, awmze nei leh him zawka rannung thahna hlo hman dan, rannung thahna hlo – chemical pesticide-in nghawng thalo a thlen theih dan bakah AESA (agro-ecological system analysis) chungchang leh a dangte an zirtir.
HRD (Human Resource Development) programme ni hnihnaah hian thlai chi sawngbawl dan, rannung thahna hlo him – biopesticide leh botanical pawimawhna, sazu lam chi reng reng khuahkhirh dan, qualitative surveillance neihna tura NPSS hman tangkai dan zirtir an ni a. Hemi atana siam apps hmanga rannung thliarhran dan a taka entir a ni.
Loneitute hriat tur hrilh
