Aizawl District Basketball Association (ADBA) leh LPS Vision Production chuan tun season chhung thawkho turin inremna an ziak fel a, pawt sei thei zel turin inremna an siam tel.
Nimin khan LPS Park, Falkland Vengah Aizawl District Basketball president Dennis Vanlalmawia leh LPS Vision Director Lalsawmliana Pachuau chuan hming an ziah hnan ve ve a; an inremnaah hian thuthlung panga awmin kum khat atan ni mah se ennawna thawkdun zel thei turin thu an dah tel nghal a ni.
ADBA-in tourna-ment lian a siamin LPS Vision-in quarter-final emaw aia hma emaw atangin live-in a pechhuak thin dawn a, tournament lian ni lo inelna dangah a hran-pain an indawr tha leh thin ang.
LPS-in TV rights a neih theih dan tur leh ticket, advertisement leh sponsorship chungchangah pawl pahnihin chanvo an neih dan tur an ziak tel nghal bawk a ni.
ADBA hruaitute chuan basketball tihlarna leh tihhmasawnna’n hmalakna pawimawh tak niin an hria a, season kal mekah awmze nei zawka tournament buatsaih thei tura LPS nen an thawhdun theih avangin lawmawm an ti hle a ni.
LPS leh Aizawl District Basketball thawkdun dawn
