Luah mek pek theih loh vangin AAP pisa kalhsak

Luah mek pek theih loh vangin AAP pisa kalhsak
Madhya Pradesh khawpui, Bhopal-a Aam Aadmi Party (AAP) pisa chu thla thum chhung luah man an pek theih tawh loh avangin a neituin a kalhsak.
“Rinawm taka kan thawh laiin hetiang hi a lo thleng a, a pangngai leh thuai ang. Tunah rih chuan kan party-in sum kan nei lo va, tih ngaihna kan hre lo,” tiin Madhya Pradesh AAP Joint Secretary Ramakant Patel chuan phone-in PTI a hrilh.
Party chu tual chhunga sum an hmuh theih ang angin an enkawl a, an worker-te dinhmun a tha si lo niin a sawi.
“Pisa luah man hi engzat nge tih leh eng chen nge kan pek loh ka hre mai lo,” tiin Patel-a chuan a sawi bawk.
State BJP thupuangtu, Narendra Saluja chuan X-ah, “AAP MP pisa chu kalh a ni a, a dawt leh chu Congress an ni ang,” a ti.
Kum 2023 Madhya Pradesh assembly inthlanah khan AAP hian bial 66 chuhin tling an awm lo va. Vote tla zawng zawng atanga 0.53% chauh hmuin NOTA-a tla, 0.98% pawh an phak lo.
Kum 2022-a tual chhung rorel khawl inthlanah erawh AAP hian a vawi khat nana chuhin Singrauli-ah mayor nihna an chelh phak thung a. Rani Agrawal-i chuan BJP atanga chuhtu, Chandra Prakash Vishwakarma leh Congress candidate Arvind Chandel a hneh a ni.
Thla hmasa khan BJP chuan Delhi assembly inthlanah rorel lai, AAP hi bial 70 awma bial 48 la chungin an hneh.
An party hruaitu lawk zingah AAP convenor Arvind Kejriwal, deputy chief minister hlui Manish Sisodia, minister Saurabh Bhardwaj, minister hlui Somnath Bharti leh Satyendra Jain te pawh an bialah an tling zo lo.
AAP hian kum 2020 khan bial 70-ah hian 62 lain kum 2015 phei kha chuan 67 zet lain chiang takin hnehna an lo chak tawh.
A hma lawkin BJP kaihhruai tangrual chuan Maharashtra leh Haryana-ah chiang takin hnehna an lo chang tawh bawk a, ram pum politics-ah an lian mek zel a ni.