Transport minister Vanlalhlana chuan Union minister for Ports, Shipping & Waterways Sarbananda Sonowal chu Thawhtanni khan a chenna inah kawmin, Transport department-in Inland Water Transport (IWT) atana hma a lak mek chu chak lehzuala thawh a nih theihnan hma lakpui turin a ngen.
Transport department hnuaiah hian IWT project pathum kalpui mek a ni a. Development of IWT on River Khawthlangtuipui -River Tuichawng, Development of IWT on River Tlawng (National Waterway-102) leh Development of IWT River Chhimtuipui a ni. Heng project-ah hian techno-economic feasibility neih zawh tawh niin, a then detailed project report siam zawh tawh a ni a, la siam zawh loh pawh peihfel thuai beisei a ni.
Heng bakah hian Transport minister hian Tuirial Dam chu IWT project atan chauh ni lo, zinmite hip theia tourism atana hmuhma tha tak awmna a ni tih sawiin, ruahmanna hlawhtling tak kalpui a nih theihnan zirchianna, feasibility study kalpui a pawimawh tih a sawipui bawk.
Luia inkalpawhna tur sawipui
