Tuirini luia oil chhia tiluttu chu kawng siamtu contractor GVV (P) Limited an ni a, an hot mix plant atanga chhuak a ni tih finfiah a ni.
Mizoram Pollution Control Board (MPCB) chuan tunhnaia Thingsulthliah ram Tuirini luia bawlhhlawh nasa taka luanglut chu an hriat veleh December 6 & 7 khan a hmunah kalin an chhui a, NHIDCL hnuaia contractor pakhat M/s GVV (P) Limited hot mix plant atanga bawlhhlawh chhuak vang a ni tih hmuhchhuah a ni tih a sawi.
Hot mix plant atanga bawlhhlawh luangthla chu a bula luitê ah a luanglut a, chu luitê chuan a thlangah Tuirini lui a fin avangin Tuirini lui hi a tibawlhhlawh ta a ni tih hmuh a ni tih a sawi a ni.
December 7 khan MPCB chuan M/s GVV (P) Ltd hotute hi an hot mix plant titawp nghal tur leh a rang thei ang bera tui tibawlhhlawhtu thianfai nghal turin a hriattir a, an hmalakna kar khat chhungin MPCB-a thehlut turin a hriattir tih a sawi.
Luia oil tiluttu GVV (P) Ltd
