Ningani zing khan NBA regular season khelh chhunzawm a ni a, Los Angeles Lakers chuan an khingpui Miami Heat chu point 134-126 in an hneh. He inkhelah hian LA Lakers player pawimawh Luka Doncic chuan point 60 lai a thawkchhuak a, a langsar hle. Doncic lansarhna inkhelah hian player ropui LeBron James pawhin triple-double a puitlin ve bawk.
Miami Heat laka an chak tum hian LA Lakers tan Luka Doncic chuan point 60 zet a thawkchhuak a. Kobe Bryant hnu lamah LA Lakers tan NBA game khata point 60 thawkchhual leh hmasa ber a ni. Doncic hian game riat chhung ngawt chu point 30 chin a thawkchhuak zawn tawh a. An game hnuhnung vawi ngaah vawi hnih chu point 50 chin chung lam a thawkchhuak tawh nghe nghe bawk.
Doncic-a’n Lakers tan point 60 a thawhchhuah tum hian player ropui LeBron James chuan Lakers tan point 19 thawkchhuakin, ball sawhlet vawi 15 a dawng a, assist vawi 10 nei bawkin riple double a puitlin. James hian NBA regular season-ah game 1,611 a khel tling ta chiah a, NBA regular season a game khel hnem ber Robert Parish record a nih rual. Orlando Magic a hmachhawn hunah a inlan a nih chuan James hian record thar a siam ang.
Luka Doncic a langsar
