Country star Luke Combs chuan Recording Industry Association of America (RIAA) diamond certified hla pathum a nei tling ta a, country singles RIAA certified diamond pathum nei thei hmasa ber a ni ta. RIAA diamond certified hla tih chuan US-a hla maktaduai 10 chin theih tihna a ni a, Luke Combs hian US-a hla maktaduai 10 chin hralh theih pathum a nei tling ta a, a hlate hi country hla vek niin, country hla hetiang nei thei hmasa ber a ni.
RIAA hian Luke Combs hla pahnih ‘When It Rains It Pours’ leh ‘Hurricane’ te chu Diamond certification a hlan thar a, a hla dang ‘Beautiful Crazy’ chuan nikum khan RIAA Diamond certification a lo hmu tawh bawk.
RIAA hian country singles Diamond certification hlan thar an nei nual a, Luke Combs bakah Darius Rucker ‘Wagon Wheel’, Kane Brown ‘Heaven,’ Brett Young, ‘In Case You Ditn’t Know’ leh Florida Georgia Line ‘Cruise’ te pawh a tel.
Luke Combs hi niminpiah khan Grand Ole Opry-ah a perform a, Grand Ole Opry member-ah hian July ni 16, 2019 khan lak luh a ni a, kumin hi a member nih kum ngana a ni. He hunah hian a album 2022-a a tlangzarh ‘Gettin Old’ chuan RIAA Platinum certification a dawng a, 2019-a a album ‘What You See Is Wat You Get’ chuan 5x Platinum a dawng bawk. RIAA Platinum certification hi album emaw hla mal emaw US-a maktaduai hralh tlin theih chhinchhiahna a ni ve thung.
Luke Combs-a’n RIAA record siam
