Luna benvawn (Migraine) nachhawkna

Luna benvawn (Migraine) nachhawkna
Migraine chu lu-na benvawn tiin kan sawi mai a, neurological disorder a ni a, a tihrehna tak tak awm lo mah se a na chhawkna leh migraine rawn lang chhuak zing lutuk tur lo ven theih dan a awm a, a symptom tihziaawm theih dan te a awm bawk niin mithiam ten an sawi. Tun tumah hian Times of India health section-in migraine nachhawkna tha ni a an sawi te kan rawn tarlang e.
Migraine hian lanchhuah hun te a nei a, a trigger theitu chi hrang hrang a awm a, hei hi mahni a inhriat theih ve dan kawng hrang hrang a awm. Kan ei leh in te chhinchhiahin, kan lu chu engin nge tina thin tih hi eng emaw chen chu mahni a inhriat theih niin mithiam ten an sawi.
Migraine chu a nat chhungin rei tak pawh a awh thei a, chemicals in-release avanga thisenzam vûngin a thlen a ni thin a, heng chemical-te hi allergic reaction vang te, stress vang te, mut that loh vang he, hmeichhe thlatin hunbi vang te, menopause vang te leh riltam vang te pawhin a rawn langchhuak thei.
Migraine-ah chuan a tlangpui thuin lu pang khin a na ngut ngut a, luak a chhuak a, êng leh thil ri bengchheng an ngaithei lo. Lu a nat tawh chuan nachhawkna ei pawhin awmzia a nei hleithei tawh lo va, a na dawn emawni chu aw, tih vel atangin nachhawk lo ei khalh a ngai thin. Tun tumah hian damdawi ei kher lo va migraine lu na chhawk theihna te kan rawn tarlang dawn a ni.
1. Vitamin B2: Vitamin B2 400 mg tal ei hian migraine symptom a tiziaawm thei. Vitamin B2 kan hmuh theihna tha ber te chu arsa, sangha, artui, legumes, bawnghnute lam chi, nuts, thlaihnah hring leh cereals te an ni.
2. Therapy: Relaxation therapy te pawh a tha hle a, head massage te, breathing techniques, yoga, tai chi leh meditation te pawh a tha.
3. Vur: Vûng tihrehna tha ber chu vur hi a ni. I lu na laiah khan vurin dep rawh, chu chuan migraine vanga lu na a tiziaawm thei.
4. Botox: Max Care Hospital, New Delhi-a Consultant Neurologist, Dr. Raj Shekahar Reddy chuan botox hmangin migraine na a tihziaawm theih niin a sawi a, “Botox chu a na laiah khan chiu (inject) luh mai tur a ni, hun a heh lo va, direct-in a khawih nghal a. Damloin migraine attack a neih chuan, a natna lai bawrah khan a na nawn tluk tluk thin a. Botox hi chiu luh a nih chuan a ziaawm ta thin a ni,” a ti.
5. Niacin: Niacin pawh hi migraine nachhawk theitu tha tak a ni a, chuvangin niacin pai tam chaw ei tam ang che. Niacin chu yeast, wheat, thlaihnah hring, tomato, nuts, nihawichi, sa thin leh sangha-ah te a tam hle a ni.