Lung (heart) tan theihmu dum (black raspberry) a tha hle niin mithiam ten an sawi.
Mithiam ten zirchianna an neih thara a lan dan chuan theihmu hian thisenzam khawng leh sâwng tur a veng thei a, chutiang chu lung lam natna thlen theitu a ni. Theihmu chuan endothelial progenitor cells (EPCs) level a tisang thei a, chu chuan thisenzam chhia te a thawm tha leh thei a ni.
Korea University Anam Hospital, Seoul leh Gochang Black Raspberry Research Institute, Korea-a mithiam Han Saem Jeong, Sohyeon Kim leh an thawhpuite chuan zirchianna hi neiin, metabolic syndrome nei dam lo chu te chu group hnihah thenin, group khat chuan black raspberry extract 759 mg nitin an dawng a, a group dang chuan damdawi dang an dawng ve thung. Chutiang chuan kar 12 chhung an enkawl ta a ni.
Kar 12 hnuah radial augmentation index, blood pressure, circulation EPCs leh thil pawimawh dang te an en leh ta theuh a ni.
He zirchianna chungchang hi Journal of Medicinal Food-ah tihchhuah a ni.
Lung tan theihmu a tha
