Serchhip district Lungchhuan khuaa Presbyterian English School chu bungrua engmah chuh hman lohin January 21 zan khan a kang.
Thudawn danin, Lungchhuana Presbyterian English School (PES) hi 2019 August-a hawn kha a ni a. A building hi Assam type a ni. Tlang panga awm a ni a, a kan lai hi Pathianni zan inkhawm lai niin, biak in atanga metre 200 vela awm ni mah se, biak in atangin a hmuh theih loh. School building hi a kang tih hriat a nih hnu ah thelh tumin khawtlang an pungkhawm nghal a, mei a nasat avangin an thelh thei tawh lo.
Kangmei chhuah chhan hriat a ni loa, a building-a electric current thlen lohna lam atanga chhuak a nih avangin electric short circuit vang ni lo tura ngaih a ni.
Lungchhuan PES-ah hian KG atanga class VIII thleng hawn a ni a, zirlai 74 leh zirtirtu 9 an nei a ni.
Lungchhuanah school kangral
