Lunglei district-a Assembly bial paruk awmah polling station 176 a awm a, heng zinga P/S 16 hi pan harsa a nih avangin November 5 khan duty tur polling party-te an chhuak tawh a; November 6 zing khan a bak polling party 160 chu an duty-na tur hlat dan aizrin Lunglei atangin an chhuak ve leh a ni.
Lunglei district-ah hian Pink Polling Station 12 telin P/S 176 a awm a. Heng PS 176-a duty tur polling officials – presiding officer (PRO), asst. PRO) leh polling officer-te hi (reservation 20% tiamin), an vaiin 852 (PRO 213, APRO 213 leh PO 416) an awm.
Polling station hla zual leh kalkawng harsa zual polling station 16 – Thorang bialah P/S 9 leh West Tuipui bialah P/S 7-a a awm a. P/S tina duty tur Mizoram Police leh State Armed Police Force (SAPF) te nen thawkho turin Central Armed Police Force (CAPF) company 6 an awm a ni.
NAKAS (check post) 6 – Lunglei town area-ah 4, Kawrpuichhuah, Tlabung, Lungsen leh Bunghmunah pakhat theuh din a ni a. Assembly bial pakhat zel hi Flying Squad Team 2 leh Static Surveillance Team 2 ten an vil mek a; Quick Response Team 9 din a ni.
Lunglei district-ah PS 176
