Lunglei faina lam inelna
LMC Award siam dawn
Lunglei Municipal Council (LMC) buatsaihin Lunglei khawpui huamchhung faina lama inelna buatsaih a ni dawn.
Municipal Sanitation Committee for Lunglei Municipal Area chu an chairman, Lunglei Municipal Council (LMC) vice chairman K Lalrinawma kaihhruaiin Thawhtanni khan an thukhawm a. Chairman chuan he Committee rel angin, faina kawnga hma an sawn theihnan ward/ local council inelna LMC Award kalpui remtih a ni a; inkaihhruaina, endiktu tur, tehfung leh tul dang ruahman turin Municipal Sanitation Committee ruat a ni a, ruahmanna pawh Board of Councilor’s meeting-in a pawmpui tawh tih a sawi a ni.
LMC huamchhunga ward fai inelna – LMC Award kalpui mekah hian lawmmanah 1-na cheng nuai 3 leh trophy, 2-na cheng nuai 2 leh trophy, 3-na cheng nuai 1 leh trophy bakah, ward pakhat tan consolation prize Rs. 30000 leh citation ruahman a ni.
Endik hun chu LMC chief executive officer leh secretary te ruahmanna siam anga kalpui nise, tih a ni a. Bawlhhlawh khawn chungchangah veng pasarih atangin LMC lirtheia bawlhhlawh lakkhawma paih niin, a bak veng dang chuan mahni remchan dan angin bawlhlawh an paih thung.
Solid Waste Management Centre sak mek chu a ranglama peih a nih theihnan hma laksak turin sawrkara thlen nise, tiin Committee hian a rel a. LMC huamchhunga local council-te bawlhhlawh thlahdah awm lohna (garbage free) ni vek tura hma lak rawt a ni.
Lunglei faina lam inelna LMC Award siam dawn
