Lunglei khawchhunga zirlaiten lehkha an zir that theih nana ri bengchheng siam lo turin Lunglei bawrhsap chuan mipui a hriattir.
Mizoram School Education department ngenna lehkha bawhzuiin Lunglei bawrhsap hian zirlaite exam laiin ri bengchhengin a tihbuai loh nan, dan tlawhchhan neiin khapna hi a siam tih a sawi a. Vantlang hmuna aurinna (loudspeaker/PA system) emaw bengchheng chhuah thei thildang hman chu, a hmanna hmun ramri pawnlamah 75 dB(A) emaw, The Noise Pollution (Regulation and Control) Rules 2000 in a phal chin aia 10 dB(A) a ring emaw (a hniam zawk zawk) aia ringin a richhuak tur a ni lo, a ti.
Mimal ram/hmuna ri bengchheng siamte pawh, The Noise Pollution (Regulation and Control) Rules 2000 phal chin piahlam 5 dB(A) aia ringin mimal ram pawnlamah ti ri chhuak lo turin a ti.
Tul bik thil (public emergency) a nih loh chuan zan dar 10.00 atanga zing dar 6.00 inkarah heng – khuang, tawtawrawt, amplifier leh ri bengchheng siam thei thildang hmang lo turin mipui a hriattir.
Lungleiah bengchhen khap rih
