Lungleng kawng leh lal in thawmthat ngen
Lungleng panna kawngpui leh lal in chu sawrkarin a remchan dan anga thawmtha thuai turin an ngen tih Mizoram Transformation Movement chuan an sawi.
Mizoram Transformation Movement (MTM) team hian Inrinni khan Lungleng khua an tlawh a. Khaw pawimawh a nih avangin sawrkar tan ngaihthah loh tawp tur a awm tih sawiin, Lungleng khaw kalkawng, Hlimen atanga Lungleng lal in thlengin a chhe hle a; he kawng chhia hian Lungleng khua leh a chhehvel kawng zawng zawng tan harsatna nasa tak thlenin, Aizawl bazar tur leh damlo damdawi in pan tur tan pawh harsatna lian tak a siamsak tih an sawi a ni.
‘He kawng hi tun thal chhung ngei hian siam turin thuneitute kan phut a, fur ruahtui a tlak hmaa siam a nih loh chuan, mipui tan harsatna lian tak leh chetsual palh hial thleng thei a ni tih a lang reng a ni,’ a ti.
Lungleng lal in chu a pawimawh ang hu in, a ram chhe hle tih MTM hian an sawi a. Hetiang lal in pawimawh leh hlu, tourist leh Mizoram mipui pawhin an hmuh chak chu mimal kuta awm pawh nise, Tourism department-in chei hnum dan leh tlawh manhla zawka siam dan ngaihtuah turin an ngen tih an sawi.
‘Lungleng lal in hi Lungleng khua leh ram pum tan pawh tourism promote-na atan a pawimawh a, hei hian Lungleng khaw economy pawh a chawikang thei dawn a ni,’ a ti.
Lungleng kawng leh lal in thawmthat ngen
