Lutuak i bye bye duh em?
Kum upat vangin lu a tuak thei a, mahse, eng emaw avangin upat hma pawhin lu a tuak thei. Mi zawng zawngin kan vun leh samah malenocyte kan neih theuh a, mahse, malenocyte chu a nih tur anga a insiam chhuah that lohin kan lu a lo tuak ta thin niin Times of India health section chuan a tarlang.
Kum upat vanga lutuak ni lo emaw, lu tuak duh lo ve hrim hrim tan damdawi manto tak tak hmang lova mahni tawka siam ve mai theih, lutuak tihrehna tha nia Times of India health section-in a tarlan te kan rawn chhawp chuak ve e.
1. Sunhlu leh coconut oil chawhpawlh hi lutuak damdawi tha tak a ni. Sunhlu chu chan sawmin phoro la, chu chu coconut oil nen chawhpawlhin chhuang so la, zankhuain dah dai ang che. Chu chu regular takin i lu lei leh samah te hnawih rawh. I thil chawhpawlhah chuan sawhthing leh khawizu te i pawlh theih chuan a tha lehzual ang.
2. Thingpui sen tak tha tak no khatah chi (salt) thirfiante khat pawlh a, chhuang lum pep pep la, chu chu i lu lei leh samah i hnawih dawn nia. Darkar chanve vel tal chiah la, chumi hnuah shampoo-in i su fai leh dawn nia.
3. Protein pai tam chaw ei ang che. A bikin sa, bekang, whole grain, artui leh cereals te hian sam an tichakin an tidum tle siau thei a, lutuak tur pawh a veng thei.
4. Vitamins, minerals leh iron pai tam chaw ei ang che. Thlaihnah hring, tomato, balhla leh parbawr te hi lu tuak tur venna leh enkawlna tha tak a ni a, sam an ti thang duh bawk.
Lutuak i bye bye duh em?
