Lychee an ti a, keini chuan Theifeimung kan ti a, a botany zawng chuan Litchi chinensis an ti ve thung. Lychee tih thumal hi Chinese-a a awmzia chu ‘nun hlimna atana thilpek’ tihna a ni awm e. Fur lai hi a tam hun lai a ni a, a tam lai na na hi chuan insum loin lo ei rawh, hriselna atana chaw tha tak a ni tlat mai.
A tui sawr in mai theih lei tur a tamin South-East Asia-ah phei chuan a lar lehzual a, ice cream flavour atan pawh an hmang lar hle. A tuina mai piah lamah he thei hian taksa hriselna atan thatna a lo ngah khawp mai a, Times of India health section-a lychee thatna ni a an sawi te kan rawn chhuah chhawng e.
1. Oligonol a pai a, chu chu polyophenol chikhat a ni a, lychee-ah a tam hle. Polyphenol hian antioxidant an pai mai bakah anti-influenza virus properties an nei bawk. Ni (Sun) zung hlauhawm UV rays vanga vun chhe tur pawh a veng thei a, thau a titlemin thahrui a tipung thei.
2. Iron a pai hnem hle a, chu chu thisen siamtu tha tak a ni. Hei vang hian thisen tlakchham avanga dawldang, anaemia tan pawh a tha hle.
3. Antioxidant a pai hnem a, chu chuan kan taksaa free radicals-in cell leh thildang a tichhe tur a veng thei a, cancer cell darh zel tur pawh a veng thei a, a bikin hnute cancer leh mipa serh cancer risk a tihniam lehzual. Lychee hian carrot ai pawhin beta-carotene a pai tam zawk niin an sawi tlat bawk.
4. Lung (heart) tan chaw tha a ni. Cholesterol chhe chi (LDL) level a tihniam a, chutih rualin cholesterol tha chi (HDL) level a tisang ve thung. Chu chuan lung-a thisen luang lut a titamin a tichak a, lung lam natna risk a tihniam thei.
5. Vitamin C leh antioxidant a pai hnem a, chu chuan kan taksain natna a dolet theihna a tichak a, tlang hrileng- hritlang, khuh leh infection hrang hrang lakah mi a veng thei.
6. Minerals pawimawh tak tak folate, manganese, iron, copper te a pai hnem a, chu chu thisen siamtu leh thisen tana chawtha tak an ni.
7. Metabolism a tichak thei. Fibre leh B-complex vitamin- thiamin, niacin leh folate te a pai a, chu chuan metabolism a tichak thei. Fibre pai hnem chaw te hian metabolism rate an tichak a, mi a tipuar rei a, intihcher tum te tan a ei chi hle.
8. BP sang a tihniam thei. Zirchianna hrang hrang an neih tawhah antioxidant pai hnem chaw te hian blood pressure sang a tihniam thei tih an hmuchhuak. Lychee hian potassium pawh a pai hnem hle a, chu chuan kan taksaa sodium level leh electrolytes balance te a siam.
9. Lychee gram 100-ah hian energy 66 kcal, carbohydrates 16.53g, protein 0.83g, cholestereol 0mg, dietary fibre 1.3g awm anga chhut a ni.
Lychee \hatna
![](https://theaizawlpost.org/wp-content/uploads/tap_logo-min-large.jpg)